విడిచిన కలలు పాఠం 24
పొలం నుండి ఇంటికి తిరిగి వచ్చాక, అందరూ కలిసి సోఫాలో కూర్చుని కబుర్లు చెప్పుకుంటారు. ఆ సమయంలో పవన్ వాళ్ల నాన్న నీత్య, పవన్ని ఉద్దేశించి, "మీరిద్దరూ పెళ్లి ఎప్పుడు చేసుకుంటారు?" అని అడుగుతారు. పవన్ సమాధానం చెప్పబోతుండగా, నీత్య సిగ్గుతో కూడిన నవ్వుతో ముందుకొచ్చి, "మామయ్యగారూ, మేము పెళ్లి చేసుకోడానికి ఇంకా కొంచెం సమయం ఉంది. ముందు మేము హైదరాబాద్లో మనందరి కోసం ఒక మంచి ఇల్లు కొనాలని ప్లాన్ చేస్తున్నాం. మీరందరూ కూడా అక్కడికి షిఫ్ట్ అవ్వాలి," అని ఆప్యాయంగా చెప్తుంది.
నీత్య మాటలు విని పవన్ వాళ్ల నాన్న చాలా ఆనందపడతారు. "అమ్మా, నీవు ఇప్పటి నుండే మా కుటుంబాన్ని నీదిగా భావిస్తున్నావు. చాలా సంతోషంగా ఉంది," అని చెప్పి, "సరే, ఈ విషయం మళ్లీ మాట్లాడుకుందాం. ముందు భోజనం చేద్దాం," అంటూ అందరినీ భోజనానికి రెడీ అవమని చెప్తారు.
భోజనం సిద్ధం చేస్తుండగా, పవన్ వాళ్ల నాన్న సరదాగా, "పవన్, మరి బావకి చెప్పలేదా కోడలు గురించి?" అని అడుగుతారు. "కోడలు" అనే పదం వినగానే నీత్య ఎవరికీ తెలియకుండా సిగ్గుతో ముసిముసి నవ్వుతుంది. పవన్ కొంచెం ఆటపట్టిస్తూ, "ఇంకా చెప్పలేదు నాన్నా, రేపు చెప్తా," అని చెప్తాడు. "సరే, సరే, ముందు తినండి," అని నాన్న నవ్వుతూ అందరినీ భోజనానికి కూర్చోమని చెప్తారు.
అందరూ కలిసి ఆప్యాయంగా భోజనం చేస్తారు. నీత్య చేసిన కూరగాయల పులుసు, అమ్మ వండిన పప్పు అందరినీ ఆకట్టుకుంటాయి. భోజనం అయిన తర్వాత, సరదా కబుర్లు చెప్పుకుంటూ అందరూ పడుకోడానికి సిద్ధమవుతారు. నీత్య, పవన్ ఒక్క క్షణం ఒంటరిగా మాట్లాడుకుంటూ, "నీ అమ్మ, నాన్న నన్ను ఇంత ఆప్యాయంగా చూసుకుంటుంటే చాలా సంతోషంగా ఉంది," అని చెప్తుంది. పవన్ ఆమె చేయి పట్టుకుని, "నీవు వాళ్లను ఇంత తొందరగా కలిసిపోయావు, నాకు ఇంతకంటే సంతోషం ఏముంటుంది?" అని చెప్తాడు. ఆ రాత్రి ఇద్దరూ సంతోషంతో నిండిన మనసుతో నిద్రలోకి జారుకుంటారు.
తర్వాత భాగం కొనసాగుతుంది
No comments:
Post a Comment